அட்லீ இயக்கத்தில் விஜய் நடிக்கும் படத்துக்கு ’மைக்கேல்’ என்று டைட்டில் வைக்கப்பட இருப்பதாகக் கூறப்படுகிறது.
தெறி, மெர்சல் படங்களைத் தொடர்ந்து அட்லி இயக்கும் படத்தில் மீண்டும் நடிக்கிறார் விஜய். நயன்தா ரா ஹீரோயினாக நடிக்கிறார். கதிர், விவேக், யோகி பாபு, ரோபோ ஷங்கர் மகள் இந்திரஜா ஆகியோர் முக்கிய கேரக்டர்களில் நடிக்கின்றனர். ஏற்கனவே ‘வில்லு’ படத்தில் விஜய் ஜோடியாக நடித்திருந்தார் நயன்தாரா.
ஏ.ஆர்.ரகுமான் இசை அமைக்கிறார். ஏஜிஎஸ் தயாரிக்கும் இந்தப் படத்தின் ஷூட்டிங் சென்னையில் நடந்து வருகிறது.
தீபாவளிக்கு ரிலீஸாகும் இந்தப் படத்தில் விஜய் கால்பந்து பயிற்சியாளராக நடிக்கிறார். அவர் கேரக்டர் பெயர் மைக்கேல். வழக்கமாக கேரக்டர் பெயரையே, படத்தின் டைட்டிலாக வைக்கும் போக்கு தமிழ் சினிமாவில் இருப்பதால், இந்தப் படத்துக்கு ’மைக்கேல்’ என்று வைக்கப்பட இருப்பதாகக் கூறப்படுகிறது .
