மெர்சல் மேஜிக் விஜய் மேக்கிங் வீடியோ காட்சிகளை தேனாண்டாள் பிலிம்ஸ் ஹேமா ருக்மணி தனது ட்விட்டர் பக்கத்தில் வெளியிடுள்ளார்.
தனது தாய் நித்யா மேனனின் மரணத்திற்குக் காரணமாக இருந்த டாக்டர் ஒருவரை பாரீஸ் நகரத்தில் மேஜிக் ஷோ ஒன்றில் வைத்து விஜய் கொல்லும் காட்சி மெர்சல் திரைப்பத்தில் இடம் பெற்றிருந்தது. அப்போது பொதுமேடையில் பார்வையாளர்கள் முன்பு விஜய் சில வித்தைகளைச் செய்து காட்டுவார். பிறகு திட்டமிட்டபடி வில்லனை யதார்த்தமாக மேடைக்கு அழைப்பதை போல் அழைத்து விஜய் அவரை கொல்வார். வில்லனை பெட்டிக்குள் படுக்க வைத்து விஜய் பழித்தீர்க்கும் இந்தக் காட்சியை ரசிகர்கள் பயங்கரமாக கொண்டாடினார்கள். ட்ரெய்லரில் 'நீ விதைத்த வினையொன்று உன்னை அறுக்கக் காத்திருக்கும்' என்ற வசனம் படத்தில் இந்தக் காட்சியில்தான் இடம்பெற்றிருக்கும்.
ஐரோப்பாவில் படமாக்கப்பட்ட இந்தக் காட்சியின் மேக்கிங் வீடியோவை ஹேமா ருக்மணி தனது ட்விட்டர் பக்கத்தில் இன்று வெளியிட்டுள்ளார். இந்த வீடியோவை விஜய் ரசிகர்கள் கொண்டாடி வருகிறார்கள். தங்களுக்குப் பிடித்தமான வேறுசில காட்சிகளை குறிப்பிட்டு அதற்கான மேக்கிங் வீடியோவையும் வெளியிடச் சொல்லி அவர்கள் கோரிக்கை வைத்து வருகிறார்கள்.
