கும்கி-2 படத்தில் குதிரை பற்றிய காட்சிகளும் இடம் பெற உள்ளது.
பிரபு சாலமன் இயக்கத்தில் விக்ரம் பிரபு, லட்சுமிமேனன் அறிமுகமான கும்கி முதல் பாகம் பெரும் வெற்றி பெற்றது. அப்படத்தின் இரண்டாம் பாகத்தை புதுமுகங்களை வைத்து இயக்க இருக்கிறார் பிரபுசாலமன். இப்படத்தின் படப்பிடிப்பு இன்று தொடங்கியுள்ளது. சில காட்சிகளை தாய்லாந்தில் படமாக்க திட்டமிட்டு இருந்தனர். ஆனால் பட்ஜெட் காரணமாக இந்தியாவில் சில பகுதிகளில் மட்டுமே படப்பிடிப்பை நடத்த முடிவு செய்துள்ளனர். கும்கி முதல் பாகத்தில் யானையை மையப்படுத்தி கதையமைக்கப்பட்டிருந்தது. ஆனால், கும்கி-2 படத்திலும் யானை இடம்பெற்றுள்ளபோதும் குதிரை பற்றிய காட்சிகளும் படத்தில் இருக்கிறது என்கிறார்கள் படகுழுவினர்.
