காஞ்சனா-3 படத்தில் ராகவா லாரன்ஸ் நடிக்க உள்ளார்.
ராகவா லாரன்ஸ் இயக்குநர் வாசு இயக்கத்தில் ரஜினி நடித்திருந்த மூன்று முகம் அல்லது மன்னன் ரீமேக்கில் நடிக்க இருப்பதாகக் கூறப்பட்டது. இந்நிலையில் அவர், பாகுபலி புகழ் இயக்குநர் ராஜமவுலி மற்றும் கதையாசிரியர் விஜயேந்திர பிரசாத்தின் உதவியாளர் இயக்க உள்ள காஞ்சனா-3 படத்தில் நடிக்க இருப்பதாக அதிகாரப்பூர்வ அறிவிப்பு வெளியாகி இருக்கிறது.
ராகவா லாரன்ஸ் நடித்த பேய் படங்களான முனி, காஞ்சனா படங்களின் அடுத்தடுத்த பாகங்கள் தொடர் வெற்றி பெற்றன. தற்போது உருவாக உள்ள காஞ்சனா-3 படத்தை ராகவா லாரன்ஸின் சொந்த நிறுவனமான ராகவேந்திரா புரொடக்ஷன்ஸ் தயாரிக்க உள்ளது. இந்தப்படம் குறித்த அறிவிப்புகள் வெளியான நிலையில் படத்தின் ஒளிபரப்பு உரிமையை பிரபல தனியார் தொலைக்காட்சி வாங்கியுள்ளது. தெலுங்கு உரிமையும் விற்கப்பட்டுவிட்டது.
