ராஜமவுலி இயக்கத்தில் சூப்பர் ஹிட்டான ’மகதீரா’ படம் பத்து வருடத்துக்குப் பிறகு ஜப்பானிய மொழியில் டப் செய்யப்பட்டு வெளியிடப்படு கிறது.
ராஜமவுலி இயக்கத்தில் ராம்சரண், காஜல் அகர்வால், தேவ் கில், ஸ்ரீஹரி உட்பட பலர் நடித்து சூப்பர் டூப்பர் ஹிட்டான தெலுங்கு படம், ‘மகதீரா’. ஃபேண்டஸி ரொமான்டிக் ஆக்ஷன் படமான இது, தமிழில் ’மாவீரன்’ என்ற பெயரில் டப் ஆகி வரவேற்பை பெற்றது. மேலும் இந்தி, மலையாளம் உட்பட பல்வேறு மொழிகளில் டப் ஆகி வசூலை ஈட்டியது. கீதா ஆர்ட்ஸ் தயாரித்திருந்த இந்தப் படம் 2009-ல் வெளியானது.
படம் வெளியாகி பத்து வருடத்துக்குப் பிறகு இப்போது ஜப்பானிய மொழியில் டப் செய்யப்பட்டு வெளியிடப்படுகிறது. ராஜமவுலி இயக்கிய ’பாகுபலி 2’ படம் ஜப்பானில் சூப்பர் ஹிட்டானது. இதையடுத்து ராஜமவுலிக்கு அங்கு மார்க்கெட் உருவாகி இருப்பதாகவும் இதனால் அவர் இதற் கு முன் இயக்கிய படங்களை ஜப்பான் மொழியில் டப் செய்து வெளியிட உள்ளதாகவும் கூறப்படுகிறது. முதற்கட்டமாக, இப்போது ’மகதீரா’வை டப் செய்துள்ளனர்.
இந்தப் படம் ஆகஸ்ட் 31-ம் தேதி அங்கு வெளியாகிறது. இந்தப் படத்துக்கும் அங்கு நல்ல வரவேற்பு கிடைக்கும் என்று கூறப்படுகிறது.
