ஐதராபாத்தில் நடந்த ஐஃபா விழாவில் தமிழ் திரையுலகினருக்கான விருதுகள் வழங்கும் நிகழ்ச்சியை நடிகர்கள் சிவாவும், ராணாவும் தொகுத்தளித்தனர்.
முதல் விருதாக, சிறந்த பாடகிகளுக்கான பரிந்துரைப் பட்டியலை வாசிக்க வேண்டும். ராணா, ’ ஐயையோ வேண்டாம், இதை நீங்களே வாசிங்க. தேவையில்லாம நான் மாட்டிக்கிட்டேன்’ என்றார் சிவாவிடம். ‘எங்க மாட்டிக்கிட்டீங்க?’ என்று சிவா கேட்க, சுசீ லீக்ஸ் என்று புரிந்து கொண்ட ஆடியன்ஸ் பக்கமிருந்து அள்ளியது சிரிப்பலை.
சிறந்த இசையமைப்பாளருக்கான பரிந்துரைப் பட்டியலை வாசிக்கும்போதும் ராணா, ‘டிவிட்டர்ல, தமிழில் அனிருத் டிரெண்டிங், நான் ஆந்திராவுல டிரெண்டிங் ’ என்று அந்த மேட்டரையே சொல்ல, சிரிப்பில் மீண்டும் அல்லு சில்லானது ஆடிட்டோரியம்.
