பிரபுதேவாவை திருமணம் செய்துகொள்ள ஆசைப்படுவதாக நான் கூறவில்லை என்று நடிகை நிகிஷா படேல் தெரிவித்துள்ளார்.
தெலுங்கில் பவன் கல்யாண் ஜோடியாக 'புலி' படத்தில் அறிமுகமானவர் நிகிஷா படேல். தமிழில், ‘என்னமோ ஏதோ’, ‘நாரதன்’, ‘7 நாட்கள்’ ஆகிய படங்களில் நடித்துள்ளார். இப்போது கஸ்தூரி ராஜா இயக்கும் ’பாண்டி முனி’ படத்தில் நடித்து வருகிறார். இவர் பிரபுதேவாவை தனக்கு பிடிக்கும் என்றும், அவரை திருமணம் செய்து கொள்ள விரும்புவதாகவும் பேட்டி ஒன்றில் கூறியதாகச் செய்திகள் வெளியானது. இது பரபரப்பை ஏற்படுத்தியது.
இந்நிலையில் இதை நிகிஷா மறுத்துள்ளார். ’கடந்த சில நாட்களாக மீடியா வெளியிடும் செய்திகளால் பாதிப்படைந்துள்ளேன். பிரபுதேவாவை திருமணம் செய்துக் கொள்ள ஆசைப்படுவதாக வந்த செய்திகளில் உண்மையில்லை. அவரைப் போன்ற ஒருவரை திருமணம் செய்துகொள்ள ஆசை என்று கூறியிருந்தேன். அதை திரித்து வெளியிட்டு விட்டார்கள். பிரபுதேவா எனக்கு நண்பர் மட்டும்தான்’ என்று விளக்கம் அளித்துள்ளார்.
