கணவன் - மனைவி பிரச்னையை இன்று மாலை 6 மணிக்குள் பேசித்தீர்க்குமாறு நடிகை ரம்பா தம்பதிக்கு சென்னை உயர்நீதிமன்றம் அறிவுறுத்தியுள்ளது.
தம்மிடமிருந்து பிரிந்துவாழும் கணவர் இந்திரகுமாரை சேர்த்துவைக்கக்கோரி குடும்ப நல நீதிமன்றத்தில் வழக்கு தொடர்ந்துள்ள ரம்பா, இதுதொடர்பான ஆட்கொணர்வு மனுவை உயர்நீதிமன்றத்தில் தாக்கல் செய்திருக்கிறார். இந்த வழக்கில் இன்று தனது 2 குழந்தைகளுடன் நடிகை ரம்பா உயர்நீதிமன்றத்தில் ஆஜரானார். அவரது கணவர் இந்திரகுமாரும் விசாரணைக்கு வந்திருந்தார். அப்போது, சமரச மையத்தில் இன்று மாலை 6 மணிக்குள் பிரச்னையை பேசித்தீர்க்குமாறு உயர்நீதிமன்றம் அறிவுறுத்தியது.
