விஜய் நடித்துவரும் 'பீஸ்ட்' திரைப்படத்தின் நான்காம் கட்ட படப்பிடிப்பு செப்டம்பர் 1-ஆம் தேதி முதல் தொடங்குகிறது.
நெல்சன் திலீப் குமார் இயக்கத்தில் உருவாகி வரும் 'பீஸ்ட்' திரைப்படத்தில் விஜய் நடித்து வருகிறார். இதற்கான படப்பிடிப்பு சென்னையில் நடைபெறுகிறது. அதில் மூன்றாம் கட்ட படப்பிடிப்பை நேற்று முன்தினம் முடித்த படக்குழுவினர், நான்காம் கட்ட படப்பிடிப்பை வரும் 1-ம் தேதி தொடங்குகின்றனர்.
அதைத்தொடர்ந்து 20-ம் தேதி டெல்லி செல்கின்றனர். அங்குப் படத்திற்கு தேவையான முக்கிய காட்சியை 5 நாட்கள் படமாக்குகின்றனர். அதன்பின் சென்னை திரும்பும் படக்குழு அக்டோபர் 1ஆம் தேதி முதல் அடுத்தக்கட்ட படப்பிடிப்பை தொடங்கும் எனக் கூறப்படுகிறது.
