சிறுத்தை சிவா இயக்கத்தில் சூர்யா நடிப்பில் உருவான படம் ‘கங்குவா’. இப்படத்தில் பாலிவுட் நடிகை திஷா பதானி, யோகி பாபு, ரெடின்ஸ் கிங்க்ஸி என பலர் நடித்துள்ளார். யுவி கிரியேஷன்ஸ், ஞானவேல் ராஜாவின் ஸ்டூடியோ கிரீன் இணைந்து தயாரித்துள்ளது. தேவி ஸ்ரீ பிரசாத் இசைமையத்திருக்கிறார். வெற்றி பழனிச்சாமி ஒளிப்பதிவு செய்திருக்கும் நிலையில், மதன் கார்க்கி வசனங்களை எழுதியுள்ளார். நிசாத் யூசூப் படத்தொகுப்பு பணிகளை மேற்கொண்டுள்ளார்.
3D தொழில்நுட்பத்தில் பெரும் பொருட்செலவில் உருவான கங்குவா படமானது தமிழ், மலையாளம், இந்தி, தெலுங்கு, கன்னடம், ஆங்கிலம் உட்பட மொத்தம் 10 மொழிகளில் நேற்று வெளியானது. இது 38 மொழிகளில் மொழியாக்கம் செய்யப்பட்டுள்ளதாகவும் கூறப்படுகிறது.
படம் நேற்று வெளியானாலும், கலவையான விமர்சனங்களையே பெற்று வருகிறது. ஒரு தரப்பு படம் நன்றாக இருக்கிறது என்றாலும், மறுதரப்போ படம் சுமார் என்றே தெரிவித்து வருகிறது.
இந்நிலையில் படக்குழு திரைப்படத்தின் முதல்நாள் வசூலை வெளியிட்டுள்ளது. நேற்று வெளியான கங்குவா திரைப்படம் உலகளவில் 58.62 கோடிகளை வசூலித்துள்ளதாக படக்குழு தெரிவித்துள்ளது.
ரூ.350 கோடி பட்ஜெட்டில் உருவான திரைப்படத்திற்கு முதல் நாள் வசூல் ரூ.58.62 எனும்போது குறைவானதாக பார்க்கப்படுகிறது. ஆனாலும் கூட, விஜய்யின் கோட், ரஜினிகாந்தின் வேட்டையனை அடுத்து கங்குவா அதிக ஓப்பனிங்கைப் பெற்ற தமிழ்ப் படம் என்றும் கூறப்படுகிறது.
