நடிகை ஷகீலாவின் ’டிக் டாக்’ பாடல், சமூக வலைத்தளங்களில் வைரலாகி வருகிறது.
பிரபல நடிகை ஷகிலா, ஏராளமான தமிழ், மலையாளம், தெலுங்கு, கன்னட படங்களில் நடித்துள்ளார். இவரது வாழ்க்கை கதை இப்போது இந்தியில் சினிமாவாகி வருகிறது. ஷகிலாவாக இந்தி நடிகை ரிச்சா சதா நடித்து வருகிறார். இந்திரஜித் லங்கேஷ் இயக்குகிறார்.
இந்நிலையில் சினிமாவில் இருந்து ஒதுங்கி இருக்கும் ஷகிலா, டிக் டாக் செயலில் இணைந்துள்ளார். இதில் ’மெர்சல்’ படத்தில் இடம் பெற்றுள்ள, ‘நீதானே, நீதானே... என் நெஞ்சை தட்டும் சத்தம்...’’என்ற பாடலுக்கு அவரும் அவர் தோழியும் இணைந்து நடித்துள்ளனர்.
தனது இன்ஸ்டாகிராம் பக்கத்தில் ஷகிலாவின் தோழி இந்த வீடியோவை பகிர்ந்துள்ளார். அதில், 'கடைசியாக ஷகிலாவும் டிக் டாக்கிற்கு வந்துவிட்டார்' என்று குறிப்பிட்டுள்ளார். இந்தப் பாடல் சமூக வலைத்தளங்களில் வைரலாகி வருகிறது.
