நடிகர் வடிவேலுவின் உறவினர் பணம் கேட்டு மிரட்டுவதாக ‘எலி’ படத்தின் இயக்குநர் சதீஸ்குமார் குற்றம்சாட்டியுள்ளார்.
நகைச்சுவை நடிகர் வடிவேலுவை வைத்து ‘எலி’ திரைப்படத்தை எடுத்த இயக்குநர் சதீஸ்குமார் செய்தியாளர்களை சந்தித்து பேசினார்.
அப்போது பேசிய அவர், “எலி திரைப்படத்தில் நடிகர் வலுவேலுவை நடிக்க வைத்து 10 கோடி ரூபாய் வரை நஷ்டம் ஏற்பட்டுள்ளது.
தமிழ்த் திரையுலகில் பல படங்கள் நடிகர் வடிவேலுவால் பிரச்னை ஆகி பாதியில் நிற்கிறது. என்னுடைய வீட்டிற்கு வந்து நடிகர் வடிவேலுவின் உறவினரான மணிகண்டன் தகராறு செய்கிறார். மொத்தம் 14 கோடி ரூபய் நஷ்டம் ஏற்பட்டுள்ளது. நஷ்டத்திற்கு ஈடாக 2 படங்கள் நடித்து தருவதாக கூறினார். ஆனால் அதை அவர் செய்யவில்லை. சம்பள பிரச்னையை பேசித் தீர்த்துக்கொள்வோம் என கூறுகிறேன். நீதிமன்றமும் பேசி தீர்க்கவே கூறியுள்ளது.
ஆனால் நடிகர் வடிவேலு என்னையும், என் குடும்பத்தினரையும் மிரட்டி வருகிறார். தகாத வார்த்தைகளில் பேசி வருகிறார்.
நடிகர் வடிவேலுவுக்காக மட்டுமே சினிமா நிறுவனத்தை தொடங்கினேன். அவருக்கு இருந்த நல்ல பெயரால் அவரை முழுமையாக நம்பினேன்.
தற்போது நடிகர் வலுவேலுவுக்கு சம்பள பாக்கி இருப்பதால் நடிகர் வடிவேலுவின் உறவினரான மணிகண்டன் என்பவர் பணம் கேட்டு மிரட்டுகிறார்” எனத் தெரிவித்தார்.
