தனுஷின் அண்ணன் இயக்குநர் செல்வராகவன் இயக்கிய 'புதுப்பேட்டை' படத்திற்குப் பிறகு, அரவிந்த் கிருஷ்ணா இயக்கிய இந்தத் 'திருடன் போலீஸ்' திரைப்படம் வெளியாக இருந்தது. ஆனால் அந்தப் படம் இதுவரை திரைக்கு வரவில்லை. ஏன் நிறுத்தப்பட்டது? ஏன் தாமதமானது என்பதற்கான காரணங்கள் இதுவரை தெளிவாகத் தெரியவில்லை. இருந்தும் இந்த போஸ்டர் ஊரடங்கு உத்தரவு நடைமுறையில் உள்ள போது அவரது ரசிகர்களுக்கு மீண்டும் விருந்தாகி இருக்கிறது. இந்தப் படத்தின் போஸ்டர் திடீரென ட்விட்டரில் கசிந்துள்ளது. இந்தப் படத்திற்கு யுவன் சங்கர் ராஜா இசை அமைப்பதாக இருந்தது. அந்தக் காலகட்டத்தில் தனுஷின் பல வெற்றிப் படங்களுக்கு யுவன், இசையமைத்து வந்தார்.
