இயக்குநர் சுரேஷ் சங்கையாவின் அடுத்தப் படத்தில் நடிகர் செந்தில் ஹீரோவாக நடிக்கவிருக்கிறார்.
கடந்த 2017 ஆம் ஆண்டு வெளியான ‘ஒரு கிடாயின் கருணை மனு’ படத்தின் மூலம் இயக்குநராக அறிமுகமானார் சுரேஷ் சங்கையா, விதார்த், ரவீனா நடிப்பில் படம் விமர்சன ரீதியாக வரவேற்பை பெற்றது. மனித உயிர்கள் மட்டுமல்லாமல் அனைத்து உயிர்களையும் நேசிக்க வேண்டும் என்ற கருத்தை வலியுறுத்தியது.
பலராலும் பாரட்டப்பெற்றது. இப்படத்தைத் தொடர்ந்து சுரேஷ் சங்கையா நடிகர் பிரேம்ஜியை வைத்து ‘சத்திய சோதனை’ படத்தினை இயக்கியிருக்கிறார்.
இப்படத்தின் ஃபர்ஸ்ட் லுக் போஸ்டரை சமீபத்தில்தான் நடிகர் சிவகார்த்திகேயன் வெளியிட்டிருந்தார். இந்நிலையில், காமெடி நடிகர் செந்திலை தனது அடுத்தப் அப்டத்தில் ஹீரோவாக்கி இருக்கிறார், சுரேஷ் சங்கையா.
<blockquote class="twitter-tweet"><p lang="en" dir="ltr">Yes. Totally excited. One of my fav actors and it’s just fantastic am getting to collaborate with him. <a href="https://twitter.com/hashtag/Maghizchi?src=hash&ref_src=twsrc%5Etfw">#Maghizchi</a> <a href="https://twitter.com/hashtag/Supertalkies?src=hash&ref_src=twsrc%5Etfw">#Supertalkies</a> <a href="https://t.co/1nWrYUT9LP">https://t.co/1nWrYUT9LP</a></p>— sameer Bharat ram (@sameerbr) <a href="https://twitter.com/sameerbr/status/1347410474141241344?ref_src=twsrc%5Etfw">January 8, 2021</a></blockquote> <script async src="https://platform.twitter.com/widgets.js" charset="utf-8"></script>
’சத்திய சோதனை’ படத்தை தயாரித்த சமீரா பரத்ராம்தான் இப்படத்தையும் தயாரித்திருக்கிறார். இன்று தனது ட்விட்டர் பக்கத்திலும் செந்திலுன் இருக்கும் புகைப்படத்தை தயாரிப்பாளர் பகிர்ந்து அதிகாரபூர்வமாக உறுதி செய்திருக்கிறார்.
