டிஜிட்டல் வெர்ஷனில் தயாராகியுள்ள ரஜினியின் பாட்ஷா இன்று வெளியாகிறது. இதனால் ரஜினி ரசிகர்கள் மிகுந்த உற்சாசத்துடன் உள்ளனர்.
எத்தனை ஆண்டுகள் ஆனாலும் சில படைப்புகளுக்கு இருக்கும் வரவேற்பும், அங்கீகாரமும் குறையவே குறையாது. அந்த வகையில் உள்ள ஒரு படம் தான் பாட்ஷா. 1995-ல் வெளியான இப்படத்தில் ரஜினிகாந்த், நக்மா, ரகுவரன் உள்பட பலர் நடித்திருந்தனர். சூப்பர் ஸ்டார் ரஜினியின் கேரியரில் இப்படம் மிக முக்கியமானதாக அமைந்தது.
இந்நிலையில் இப்படம் டிஜிட்டல் வெர்ஷனில் தயாராகி உள்ளது. 5.1 டிஜிட்டல் ஒலி-ஒளி அமைப்பில் தயாராகியுள்ள இப்படம் இன்று வெளியாகிறது. இதனால் ரஜினி ரசிகர்கள் மிக மிக சந்தோஷத்தில் உள்ளனர்.
பாட்ஷாவின் முதல் நாள் முதல் காட்சி எப்படி இருந்திருக்கும் என 1990-களுக்கு பின்னர் பிறந்தவர்கள் ஏங்கியிருப்பார்கள். இப்போது அவர்களுக்கு விருந்து படைக்கும் விதமாக பாட்ஷா 3 டிஜிட்டலில் வெளிவருகிறது. 1995-ல் வெளியான பாட்ஷாவின் முதல் நாள் முதல் காட்சியை மிஸ் செய்தவர்கள் டிஜிட்டல் வெர்ஷனில் இன்று வெளியாகும் பாட்ஷாவின் முதல் நாள் முதல் காட்சியை கண்டுகளிக்கலாம் என்ற சந்தோஷத்தில் உள்ளனர்.
