ப.ரஞ்சித் இயக்கும் அடுத்த படத்தில் ஹீரோவாக நடிக்கிறார் ஆர்யா. இத்தகவலை ப.ரஞ்சித் தனது ட்விட்டர் பக்கத்தில் உறுதி செய்திருக்கிறார். இப்படத்திற்காக கடுமையாக உடற்பயிற்சி செய்து தன்னை தயார்படுத்திவரும் ஆர்யா தனது ட்விட்டர் பக்கத்தில் புகைப்படமொன்றை வெளியிட்டுள்ளார். அது தற்போது வைரலாகியுள்ளது.
ப.ரஞ்சித் ஆர்யா இணையும் இப்படத்திற்கு சல்பேட்டா என பெயரிடப்பட்டிருப்பதாக சொல்லப்படுகிறது. பீரியட் பிலிமாக உருவாகிவரும் இப்படத்தில் குத்துச்சண்டை வீரராக நடிக்கிறார் ஆர்யா. இந்நிலையில் இப்படம் குறித்த அப்டேட் ஒன்று இன்று மாலை 5 மணிக்கு வெளியாகும் என எதிர்பார்க்கப்படுகிறது. அந்த அறிவிப்பு இப்படத்தின் தலைப்பாக இருக்கலாம் என சினிமா வட்டாரங்கள் தெரிவிக்கின்றன.
மேலும் ஆர்யாவின் நெருங்கிய நண்பரான இயக்குநர் ராஜேஷ் M., ஆர்யாவின் ட்விட்டை தனது பக்கத்தில் பகிர்ந்துள்ளார். அதில் அவர் “வேற லெவல் மச்சான்” எனக் கூறி
தன் நண்பனை உற்சாகப்படுத்தியிருக்கிறார். ப.ரஞ்சித் ஆர்யா இணையும் இப்படம் ஆர்யாவின் 30’வது படம் என்பது கூடுதல் தகவல்.
