விஜயகாந்த் மகன் ஷண்முக பாண்டியன் ஜோடியாக ’மதுரவீரன்’ படத்தில் ஹீரோயினாக நடித்தவர் மீனாட்சி. தேவதைகளை உருவாக்கும் கேரளாவில் இருந்து வந்தவர். ’மதுரவீரனி’ல் இவரது நடிப்புக்கு ஏகப்பட்ட பாராட்டுகள். இந்தப் படத்தை தொடர்ந்து ஏகப்பட்ட வாய்ப்புகள். ஆனால் உடனடியாக ஒப்புக்கொள்ளவில்லை மீனாட்சி. ஏன்?
'’ப்ளஸ் ஒன்' படிச்சுட்டு இருந்தேன். இப்பதான் எக்ஸாம் முடிஞ்சிருக்கு. லீவு விட்டாச்சு. படிக்க வேண்டி இருந்ததால அந்தப் படங்கள்ல நடிக்க முடியலை. அதுல ஒரு பெரிய படமும் உண்டு. இதனால கொஞ்சம் வருத்தம்தான். ஆனா, படிப்பு முக்கியமில்லையா? எனக்கு சின்ன வயசுதான். சினிமாவில் சாதிக்க இன்னும் நிறைய டைம் இருக்கு. அதனால நல்ல கேரக்டருக்கு வெயிட் பண்றேன்' என்கிறார், இந்தப் புதிய மீனாட்சி .
மேலும் சின்ன வருத்தமும் இருக்கிறது இவருக்கு. 'மதுரவீரன்' படத்தில் தன் நடிப்புக்கு நிறைய பாராட்டுக்கள் கிடைத்த போதும் அதன் பிறகு இவருக்கு வந்தது எல்லாமே மெட்சூரிட்டியான ஹீரோயின் வேடம்தானாம். இளமையான மாடர்ன் வேடங்களுக்கு காத்திருக்கிறேன் என்கிறார்.
நடிப்பை இன்னும் மேம்படுத்த விடுமுறையில் நாட்டியம் கற்று வரும் மீனாட்சியின் ஆசை, நல்ல நடிகை என்று பெயர் வாங்க வேண்டும் என்பது.
மீனாட்சியின் புகைப்பட கேலரி
