’விஜய் 66’ படத்தின் ஃபர்ஸ்ட் லுக்கை வரும் ஜூன் 22 ஆம் தேதி வெளியிட படக்குழு திட்டமிட்டுள்ளது.
நெல்சன் திலீப் குமார் இயக்கத்தில் விஜய் நடித்துள்ள ’பீஸ்ட்’ சமீபத்தில் வெளியாகி கலவையான விமர்சனங்களைப் பெற்று வருகிறது. இப்படத்தைத் தொடர்ந்து விஜய் தமிழ், தெலுங்கில் உருவாகும் பை-லிங்குவல் 'விஜய் 66’ படத்தில் நடித்து வருகிறார். தெலுங்கின் முன்னணி இயக்குநர் வம்சி பைடிப்பள்ளி இயக்கும் இப்படத்தை தில் ராஜு தயாரிக்கிறார். தமன் இசையமைக்கிறார். ராஷ்மிகா மந்தனா நாயகியாக நடிக்கிறார்.
கடந்த ஏப்ரல் 8 ஆம் தேதி பூஜையுடன் தொடங்கிய ‘விஜய் 66’ படப்பிடிப்பு குடும்பக் கதையாக உருவாகி வருகிறது. முக்கிய கதாபாத்திரங்களில் ஷாம் மற்றும் நடிகர் சரத்குமார் நடிக்கிறார்கள். ஆகஸ்ட் மாதம் மொத்த படப்பிடிப்பையும் முடித்து 2023 ஆம் ஆண்டு பொங்கலையொட்டி ‘விஜய் 66’ படத்தை வெளியிடவுள்ளது படக்குழு.
இந்த நிலையில், வரும் ஜூன் 22 ஆம் தேதி விஜய் பிறந்தநாளையொட்டி ஃபர்ஸ்ட் லுக்கையும் டைட்டில் லுக் போஸ்டரைம் வெளியிட்டு ரசிகர்களுக்கு சர்ப்ரைஸ் கொடுக்க திட்டமிட்டுள்ளதாக தகவல் வெளியாகியுள்ளது. தனது 48 வது பிறந்தநாளைக் கொண்டாடுகிறார் விஜய். ஏற்கனவே, விஜய் 47 வது பிறந்தநாளின்போது ’பீஸ்ட்’ ஃபர்ஸ்ட் லுக் வெளியானது குறிப்பிடத்தக்கது.
எதிர்பார்த்த அளவுக்கு ‘பீஸ்ட்’ வெற்றி பெறாமல் விமர்சனங்களைக் குவித்ததால் விஜய் ரசிகர்களின் கவலையை ‘விஜய் 66’ ஃபர்ஸ்ட் லுக் போக்கிவிடும் என்று நம்பப்படுகிறது.
