’மைடியர் லிசா’ படப்பிடிப்பில் ஏற்பட்ட விபத்தில் நடிகர் விஜய் வசந்தின் கால் முறிந்தது.
விஜய் வசந்த், லீசா, மயில்சாமி, சாமிநாதன் உட்பட பலர் நடிக்கும் ’மைடியர் லிசா’. ரஞ்சன் இயக்கும் இந்த திகில் படத்தின் ஷூட்டிங் ஊட்டி யில் நடந்து வந்தது. கடந்த சில நாட்களுக்கு முன் சண்டைகாட்சி படமாக்கப்பட்டது. விஜய் வசந்த் ரவுடிகளுடன் மோதும் காட்சி படமாகிக் கொண்டிருந்த போது, எதிர்பாராத விதமாக அவரது கால் பள்ளத்தில் சிக்கியது. இதில் தடுமாறி விழுந்தார் அவர். காலில் கடும் வலி ஏற்பட் டதால் அவரால் எழுந்துகொள்ள முடியவில்லை.
(லீசா)
உடனடியாக அங்கிருந்தவர்கள் அவரை தூக்கி அருகில் உள்ள மருத்துவமனையில் சேர்த்தனர். பரிசோதித்த டாக்டர்கள் அவர் காலில் எலும்பு முறிவு ஏற்பட்டிருப்பதாகத் தெரிவித்தனர். அதற்கான சிகிச்சை அளிக்கப்பட்டது. பின்னர் அவர் மூன்று வாரம் ஓய்வெடுக்க வேண்டும் என்று டாக்டர்கள் தெரிவித்ததால் சென்னை வந்தார். அவரது வீட்டில் ஓய்வெடுத்து வருகிறார். இதன் காரணமாக மைடியர் லிசா படத்தின் ஷூட்டிங் ஒரு மாதம் தள்ளி வைக்கப்பட்டிருக்கிறது.
