விஜய் சேதுபதி நடித்துள்ள ‘மும்பைக்கர்’ படம் நேரடியாக ஓடிடியில் ஒளிபரப்பாகவுள்ளது என்று தகவல் வெளியாகியுள்ளது.
கடந்த 2017 ஆம் ஆண்டு லோகேஷ் கனகராஜ் இயக்கத்தில் வெளியாகி ஹிட் அடித்த ‘மாநகரம்’ படத்தின் ரீமேக்கை தற்போது இந்தியில் ஒளிப்பதிவாளர் சந்தோஷ் சிவன் இயக்கி முடித்துள்ளார். ‘மும்பைக்கர்’ என்று தலைப்பிட்டுள்ள இப்படத்தில் விஜய் சேதுபதி முனீஸ்காந்த் நடித்தக் கதாபாத்திரத்தில் நடித்துள்ளார். விஜய் சேதுபதி நடிக்கும் முதல் பாலிவுட் படம் என்பது குறிப்பிடத்தக்கது. சந்தீப் கிஷன் நடித்த கதாபாத்திரத்தில் ஹீரோவாக விக்ராந்த் மாஸே நடித்துள்ளார்.
கடந்த ஆண்டு இப்படத்தின் ஃபர்ஸ்ட் லுக் போஸ்டர் வெளியாகி கவனம் ஈர்த்த நிலையில், ‘மும்பைக்கர்’ நேரடியாக நெட்ஃப்ளிக்ஸ் மற்றும் ஜியோ ஓடிடி தளத்தில் ஓரே சமயத்தில் வெளியாகவுள்ளது என்று தகவல் வெளியாகியுள்ளது. இதுகுறித்த அறிவிப்பும் விரைவில் வெளியாகும் என்று எதிர்பார்க்கப்படுகிறது.
