நடிகர் மாதவனின் மகன் வேதாந்த் சமீபத்தில் நடைபெற்ற ஜூனியர் நேஷனல் நீச்சல் போட்டியில் 7 பதக்கங்களை வென்றுள்ளார்.
நடிகர் மாதவன் மகன் வேதாந்த் நீச்சல் போட்டியில் இந்தியளவிலும் சர்வதேச போட்டிகளிலும் பங்கேற்று வருகிறார். சமீபத்தில் பெங்களூர் பசவனகுடியில் நடந்த 47 வது ’ஜுனியர் நேஷனல் நீச்சல் சாம்பியன்ஷிப் 2021’ நீச்சல் பங்கேற்று 7 பதக்கங்களைக் குவித்துள்ளார். 16 வயதான வேதாந்த் 4 வெள்ளிப் பதக்கங்களையும் 3 வெண்கலப் பதக்கங்களையும் இப்போட்டியில் வென்றுள்ளார்.
மஹாராஷ்டிரா மாநிலம் சார்பாக போட்டியில் பங்கேற்ற வேதாந்த் கடந்த மார்ச் மாதம் நடந்த லாட்வியன் ஓபன் நீச்சல் போட்டியில் இந்தியா சார்பாக பங்கேற்று வெண்கலம் வென்றார் என்பது குறிப்பிடத்தக்கது. இதனை, காங்கிரஸ் ராஜ்யசபா எம்பி அபிஷேக் சிங்வி தனது ட்விட்டர் பக்கத்தில் பகிர்ந்துள்ளார். நடிகர் மாதவனும் லைக் செய்துள்ளார்.
