நடிகர் மாதவன் 'ராக்கெட்ரி - தி நம்பி எஃபெக்ட்' (ROCKETRY THE NAMBI EFFECT) என்ற திரைப்படம் மூலம் இயக்குநராக களமிறங்குகிறார்.
இஸ்ரோ ஆராய்ச்சியாளர் நம்பி நாராயணனின் வாழ்க்கையை மையப்படுத்தி உருவாக இருக்கும் திரைப்படம் 'ராக்கெட்ரி - தி நம்பி எஃபெக்ட்'. அவரது வாழ்க்கையின் உண்மை சம்பவங்களை கொண்டு உருவாகவுள்ள இத்திரைப்படத்தை ஆனந்த் மகாதேவன் இயக்கத்தில், மாதவன் நடிக்கவுள்ளதாக தகவல் வெளியானது.
இந்நிலையில் ஆனந்த் மகாதேவன் இத்திரைப்படத்தில் இருந்து விலகியதை தொடர்ந்து 'ராக்கெட்ரி - தி நம்பி எஃபெக்ட்' என்ற திரைப்படத்தை நடிகர் மாதவனே இயக்கவுள்ளார். தமிழ், இந்தி, ஆங்கிலம் ஆகிய மொழிகளில் இத்திரைப்படம் உருவாகவுள்ளது. ஏற்கெனவே கோலிவுட் உலகில் தனது க்யூட்டான சிரிப்பால் சாக்லேட் பாய் என பெண்களின் மத்தியில் பெயர் எடுத்த மாதவன் தற்போது புதிய அவதாரம் எடுப்பது அவரது ரசிகர்கள் மத்தியில் மகிழ்ச்சியை ஏற்படுத்தியுள்ளது.
