நாட்டின் அந்நிய செலாவணி கையிருப்பு மதிப்பு 2 ஆண்டுகளில் இல்லாத அளவிற்கு வீழ்ச்சி கண்டுள்ளதாக ரிசர்வ் வங்கி தெரிவித்துள்ளது.
மார்ச் 11ஆம் தேதியுடன் முடிவடைந்த வாரத்தில் அந்நிய செலாவணி கையிருப்பு மதிப்பு 9.64 பில்லியன் டாலர் அளவிற்கு சரிந்து 622.27 பில்லியன் டாலராக இருந்ததாக ரிசர்வ் வங்கி கூறியுள்ளது. உக்ரைன் - ரஷ்யா போர் காரணமாக இந்திய ரூபாய் மதிப்பு மார்ச் 7ஆம் தேதி இதுவரை இல்லாத அளவாக 77.02 ரூபாயாக வீழ்ச்சி கண்டது.
இந்நிலையில், ரூபாய் மதிப்பு வீழ்ச்சியடைவதைக் கட்டுப்படுத்த அதிகளவு அமெரிக்க டாலர்களை விற்றதாக ரிசர்வ் வங்கி தெரிவித்துள்ளது.
