இந்த உணவுகளையெல்லாம் சேர்த்து சாப்பிடக்கூடாது!

பால் மற்றும் புளிப்பான பழங்கள் போன்றவற்றை சேர்த்து எடுத்துக்கொண்டால் செரிமானத்தில் கோளாறு ஏற்படும். கனமாக இருக்கும் பாலையும் தவிர்க்கலாம்.

தேனும் நெய்யும் சம அளவுகளில் எடுத்துக்கொள்வது மிக மிக ஆபத்தானது என்பதால், அத்தவறை செய்யாதீர்கள்!

தயிர் மற்றும் சிக்கன் போன்றவற்றை சேர்த்து சாப்பிடுவது செரிமானத்தை கடினமாக்குகிறது. ஆகவே இரண்டையும் ஒன்றாக சாப்பிடுவதை தவிர்த்திடுங்கள்

வெந்நீரில் தேனையோ அல்லது தேனை சூடாக்கியோ சாப்பிடுவது ஆபத்து. தயவுசெய்து தவிர்க்கவும்!

உபோதகா (Upodika) எனப்படும் பசலைக்கீரையோடு எள்ளை சேர்த்து சாப்பிடக்கூடாது. இது வயிற்றுப்போக்கு ஏற்பட காரணமாக அமையலாம் என்பதால் மிக மிக கவனம் தேவை.

இரவில் தயிர் சாப்பிடுவது பித்தம் மற்றும் கபம் போன்றவற்றின் சமநிலையை இழக்கச் செய்யும். இதனால் தூக்கம் தொடர்பான பிரச்னைகள், சுவாச பிரச்னைகள் ஏற்படலாம். ஆகவே இரவில் தயிரை தவிர்ப்பது சிறப்பு.

பால் மற்றும் தயிர் சேர்த்து சாப்பிட்டால் வயிற்றில் ஒருவித கடினமான உணர்வு ஏற்பட்டு செரிமானத்தில் பாதிப்பு ஏற்படும். ஒருவேளை அப்படி சாப்பிட்டால், ஓடியாடி உற்சாகமாக அடுத்து சில மணி நேரம் இருப்பீர்களேயானால், சாப்பிடுங்கள்.

பால் மற்றும் உப்பு சேர்த்து சாப்பிட்டால் செரிமானம் கடினமாகி, தோல் பிரச்னைகள் ஏற்பட காரணமாக அமைகிறது. ஆகவே தவிர்ப்பது நல்லது.

தேன் மற்றும் முள்ளங்கி ஆகியவற்றை சேர்த்து சாப்பிடும்போது , செரிமானம் கடினமாகிவிடும். எனவே முடிந்தவரை இந்த காம்பினேஷன் உணவுகளை தவிர்க்கலாம்.

இயற்கையாகவே மீன் உடலின் வெப்பத்தை அதிகரிக்கும். பால் குளிர்ச்சியயை ஏற்படுத்தும். ஆகவே பாலும் மீனும் பொருந்தாதவை. எனவே சேர்த்து சாப்பிடக்கூடாது.

- ஜெனிட்டா ரோஸ்லின் .S.