இந்தியா- சவுதி அரேபியா இடையிலான உறவு முன்னேற்றம் கண்டுள்ளதாக பிரதமர் மோடி தெரிவித்துள்ளார்.
சவுதி அரேபிய பயணத்தின் ஒரு பகுதியாக அங்குள்ள ஊடகத்திற்கு மோடி பேட்டி அளித்துள்ளார். அதில், பாதுகாப்பு விவகாரங்களில் இந்தியா- சவுதி அரேபியா நாடுகள் இடையிலான ஒத்துழைப்பில் முன்னேற்றம் ஏற்பட்டுள்ளதாக கூறினார்.
இந்தியாவில் சவுதி அரேபியாவின் முதலீடுகளை காண ஆர்வமுடன் இருப்பதாகத் தெரிவித்த மோடி, வாங்குவது - விற்பது என்பதோடு நில்லாமல் அடுத்தக்கட்டத்தை நோக்கி இருநாட்டு உறவுகள் சென்றிருப்பதாகத் தெரிவித்துள்ளார்.
இந்தியாவில் எரிசக்தி, உள்கட்டமைப்பு, வேளாண்மை உள்ளிட்ட துறைகளில் 100 பில்லியன் அமெரிக்க டாலர்கள் அளவிற்கு முதலீடு செய்ய இருப்பதாக கடந்த மாதம் சவுதி அரேபியா அறிவித்திருந்தது.