அமெரிக்காவின் கரோலினா மாகாணத்தில், இந்தியர் ஒருவர் சுட்டுக் கொல்லப்பட்டார்.
குஜராத் மாநிலம் ஆனந்த் மாவட்டத்தைச் சேர்ந்தவர் ஆகாஷ் டலாட்டி . இவர் குடும்பத்துடன் அமெரிக்காவின் வடகரோலினாவில் வசித்து வருகிறார். அங்குள்ள ஃபயேட்டிவில்லி என்ற இடத்தில் சாலையோர உணவகமும், கீற்றுக் கொட்டகையுடன் கூடிய கேளிக்கை விடுதியும் நடத்தி வந்தார். அந்த உணவகத்திற்கு வந்த வாடிக்கையாளர் ஒருவரின் நடத்தை சரியில்லாததால், அவரை வெளியேறும்படி அங்கிருந்த பாதுகாவலர்கள் கூறியுள்ளனர்.
இதனால் ஆத்திரமடைந்த அந்த நபர், தான் வைத்திருந்த துப்பாக்கியால் அகிலேஷ் டலாட்டியை மிக அருகிலிருந்து சுட்டுக் கொன்றார். சம்பவத்தில் உணவக ஊழியர்கள் மூவர் காயமடைந்ததாகவும், அவர்களில் ஒருவரது நிலைமை கவலைக்கிடமாக இருப்பதாகவும் தகவல் வெளியாகியுள்ளது.
துப்பாக்கிச்சூடு நடத்தியவரை அடையாளம் காணும் பணி நடைபெற்று வருகிறது. 40 வயது நிரம்பிய அகிலேஷ் டலாட்டிக்கு மனைவியும், ஏழு வயதில் மகனும் உள்ளனர்.