சட்டுபுட்டுன்னு இணைப்பை முடித்துவிட்டு மக்கள் வேலையை பாருங்கள் என தமிழிசை சவுந்தரராஜன் தெரிவித்தார்.
டிடிவி தினகரனை விலக்கிவைக்கும் திட்டத்தின் பின்னணியில் பாரதிய ஜனதா கட்சி இருப்பதாக அதிமுக அம்மா அணியின் நாஞ்சில் சம்பத் குற்றஞ்சாட்டினார். அதற்கு பதிலளித்து பேசிய பாஜக மாநிலத் தலைவர் தமிழிசை சவுந்ததரராஜன், இன்னொரு கட்சியை முடக்கி அதிலிருந்து எங்கள் கட்சியின் தொடக்கம் வர வேண்டும் என்று என்றுமே நினைத்ததில்லை. அவர்களாகவே இணைகிறார்கள். அவர்களாகவே விலகுகிறார்கள். சட்டுபுட்டுன்னு இணைப்பை முடித்துவிட்டு மக்கள் வேலையை பாருங்கள். இதே நாடகம் தொடர்ந்து கொண்டு இருக்க வேண்டாம். பின்வாசல், பின்புறம், ரகசிய பரிமாற்றம் என எதுவுமே கிடையாது. எங்களை பொறுத்தவரையில் நேரடியாக நாங்கள் அரசியல் செய்ய வேண்டும் என இருப்பதாக கூறினார்.