பொங்கல் பண்டிகையை சொந்த ஊரில் மக்கள் கொண்டாட வசதியாக அண்மையில் சிறப்புப் பேருந்துகள் அறிவிக்கப்பட்ட நிலையில், தற்போது சிறப்பு ரயில்கள் அறிவிக்கப்பட்டுள்ளன.
பொங்கல் பண்டிகையை முன்னிட்டு தமிழகத்தின் தென்மாவட்டங்களுக்கு சென்னையில் இருந்து சிறப்பு ரயில்களை தெற்கு ரயில்வே அறிவித்துள்ளது. ஜனவரி 12ஆம் தேதி தாம்பரத்தில் இருந்து இரவு 9.45 மணிக்கு நெல்லைக்கு அதிவிரைவு சிறப்பு ரயில் இயக்கப்படும். மறுமார்க்கத்தில் நெல்லையில் இருந்து ஜனவரி 13ஆம் தேதி இரவு 9.30 மணிக்கு தாம்பரத்திற்கு ரயில் இயக்கப்படும்.
ஜனவரி 13ஆம் தேதி எழும்பூரில் இருந்து மாலை 3.30 மணிக்கு நாகர்கோவிலுக்கு அதிவிரைவு சிறப்பு ரயில் புறப்படும் என்றும் மறுமார்க்கத்தில் ஜனவரி 14ஆம் தேதி நாகர்கோவிலில் இருந்து எழும்பூருக்கு மாலை 3.10 மணிக்கு ரயில் புறப்படும் என்றும் அறிவிக்கப்பட்டுள்ளது.