கிருஷ்ணகிரி போச்சம்பள்ளி அருகே மாந்தோப்பில் 2 டன் மாங்காய்களை திருடியதாக 3 பெண்கள் உட்பட 6 பேர் கைது செய்யப்பட்டுள்ளனர்.
கிருஷ்ணகிரி மாவட்டம் போச்சம்பள்ளி அருகே உள்ள ராம்நகர் கிராமத்தில் உள்ள மாதவன் என்பவருக்கு சொந்தமான மாந்தோப்பில் இருந்து தொடர்ச்சியாக மாங்காய்கள் திருடப்பட்டு வந்துள்ளன. இதுகுறித்து மாதவன் அப்பகுதி போலீசாரிடம் தெரிவித்துள்ளார். இந்நிலையில் மாங்காய் திருடப்பட்டது தொடர்பாக 3 பெண்கள் உள்பட 6 பேரை போலீசார் கைதுசெய்துள்ளனர். பகல், இரவு என ஆள்அரவமற்ற நேரங்களில் நோட்டமிட்ட இவர்கள் சிறிது சிறிதாக 2 டன் மாங்காய்களை திருடியது தெரியவந்துள்ளது.