வருகிற டிசம்பர் 3ஆம் தேதியான ஞாயிற்றுக்கிழமை அன்று, க்யூஆர் பயணச்சீட்டுகளில், ஒற்றை பயண இ-க்யூஆர் பயணச்சீட்டுகளை வாங்கும் பயணிகளுக்கு சென்னை மெட்ரோ ரயில் நிறுவனம் வெறும் 5 ரூபாய் என்ற பிரத்யேக கட்டண சலுகையை வழங்குகிறது.
சென்னை மெட்ரோ ரயில் நிறுவனத்தின் அடித்தள தினத்தை நினைவு கூறும் வகையிலும், பயணிகளின் ஒட்டுமொத்த பயண அனுபவத்தை மேம்படுத்தவும், டிஜிட்டல் பயணச் சீட்டுகளை ஊக்குவிக்கவும் இந்த கட்டண சலுகை வழங்கப்படுவதாக கூறப்பட்டுள்ளது.
இது, இ-க்யூ.ஆர் பயணச் சீட்டுகளுக்கு மட்டுமே பொருந்தும் என்றும், பயண அட்டை, சிங்கார சென்னை அட்டை, மொபைல் ஆப் மூலம் ஸ்டோர் வேல்யூ பாஸ் மற்றும் காகித க்யூஆர் ஆகிய பயணச்சீட்டு முறைக்கு இந்த 5 ரூபாய் கட்டண சலுகை பொருந்தாது என்றும் தெரிவிக்கப்பட்டுள்ளது.