செய்தியாளர்: உதயகுமார்
செங்கல்பட்டு மாவட்டம் மதுராந்தகம் அடுத்த கருங்குழி பகுதியைச் சேர்ந்தவர் விவசாயி மேகநாதன். இவர், தனது மகளின் மருத்துவ சிகிச்சைக்காக சென்னை அண்ணாநகரில் உள்ள மருத்துவமனைக்குச் சென்றுள்ளார். இதையடுத்து இன்று காலை வீட்டுக்கு வந்து கதவை திறக்க முற்பட்டுள்ளார்.
அப்போது பூட்டுகள் உடைக்கப்பட்டு இருப்பதைக் கண்டு அதிர்ச்சியடைந்த மேகநாதன், உள்ளே சென்று பார்த்தபோது பீரோக்கள் உடைக்கப்பட்டு அதில் இருந்த 40 சவரன் நகை கொள்ளை அடிக்கப்பட்டிருந்தது தெரியவந்தது. இதையடுத்து மதுராந்தகம் காவல்துறைக்கு தகவல் தெரிவிக்கப்பட்டது.
இதனைத் தொடர்ந்து சம்பவம் இடத்திற்கு வந்த மதுராந்தகம் காவல்துறையினர் கைரேகை நிபுணரை வரவழைத்து தடயங்களை சேகரித்தனர். இதையடுத்து வழக்குப் பதிவு செய்த போலீசார், விசாரணை மேற்கொண்டு வருகின்றனர்