இந்திய-ஆஸ்திரேலிய அணிகளுக்கு இடையேயான நான்காவது ஒருநாள் போட்டி பெங்களூரு சின்னசாமி ஸ்டேடியத்தில் வியாழக்கிழமை நடக்கிறது. இதற்காக இரண்டு அணிகள் தீவிர பயிற்சியில் ஈடுபட்டுள்ளன. இந்நிலையில் போட்டி நடக்கும் பெங்களூரு சின்னசாமி ஸ்டேடியத்தின் பிட்ச், டீசன்டானதாக இருக்கும் என்று பிட்ச் பராமரிப்பாளர் பிரசாந்த் ராவ் தெரிவித்துள்ளார்.
அவர் மேலும் கூறும்போது, ‘இந்த பிட்ச் அதிகமாக ரன் குவிக்க ஏதுவாக இருக்கும் என்று சொல்ல முடியாது. அதே நேரம் அப்படியிருக்காது என்றும் சொல்ல முடியாது. டீசன்டான பிட்சாக இருக்கும். ஐபிஎல் போட்டிகளின் போது இந்த பிட்ச் மெதுவான தன்மை கொண்டதாக இருந்தது. இருந்தாலும் அதுபற்றி புகார் ஏதும் வரவில்லை’ என்றார்.