மகாராஷ்டிரா, ஜார்கண்ட் மாநிலங்களில் ஆட்சியை கைப்பற்றப் போவது யார்? சற்று நேரத்தில் தொடங்குகிறது வாக்கு எண்ணிக்கை.
உத்தரப் பிரதேசம், ராஜஸ்தான், மேற்குவங்கம் கர்நாடகா உள்ளிட்ட மாநிலங்களில் நடந்த இடைத்தேர்தலுக்கு இன்று வாக்கு எண்ணிக்கை. மேலும், வயநாடு நாடாளுமன்றத் தொகுதிக்கு நடந்த இடைத் தேர்தலுக்கான முடிவும் வெளியாகிறது.
தமிழ்நாடு முழுவதும் இன்று காலை11 மணிக்கு கிராம சபை கூட்டங்கள் நடக்கின்றன. அதில், வடகிழக்கு பருவமழை தொடர்பாக விழிப்புணர்வு ஏற்படுத்த தமிழ்நாடு அரசு அறிவுறுத்தல்.
10 மற்றும் 12ஆம் வகுப்புகளுக்கான அரையாண்டு தேர்வு கால அட்டவணை வெளியீடு. டிசம்பர் 9ஆம் தேதி 12ஆம் வகுப்பு தேர்வும், டிசம்பர் 10ஆம் தேதி 10ஆம் வகுப்பு தேர்வும் தொடக்கம்.
பெண் எஸ்.பி.,க்கு பாலியல் தொல்லை கொடுத்த வழக்கில், ஓய்வு பெற்ற ஐஜி முருகனுக்கு பிடிவாரண்ட் பிறப்பித்து சைதாப்பேட்டை நீதிமன்றம் உத்தரவு.
சென்னை தேனாம்பேட்டையில் ஏடிஎம் இயந்திரத்தை உடைத்து கொள்ளை முயற்சி தப்ப முயன்ற நபரை, சுற்றிவளைத்து காவல்துறையிடம் ஒப்படைத்த பொதுமக்கள்.
அமைச்சர் செந்தில் பாலாஜி மீதான சட்டவிரோத பணப்பரிமாற்ற தடைச்சட்ட வழக்கு நவம்பர் 29ஆம் தேதிக்கு ஒத்திவைத்து சென்னை முதன்மை அமர்வு நீதிமன்றம் உத்தரவு.
வங்கக் கடலில் உருவாகியுள்ள வளிமண்டல மேலடுக்கு சுழற்சி இன்று காற்றழுத்த தாழ்வு மண்டலமாக மாற வாய்ப்பு. 26ஆம் தேதி தென் தமிழக மாவட்டங்களில் மிக கனமழை பெய்யக்கூடும் என வானிலை மையம் அறிவிப்பு.
கிறிஸ்துமஸ் பண்டிகையை கொண்டாட தயாராகி வரும் வாடிகன் நகரம். செயின்ட் பீட்டர்ஸ் சதுக்கத்தில் நடப்பட்ட 95 அடி உயர ஆல்பைன் மரம்.
லாவோசில் கலப்பட மதுகுடித்து 6 வெளிநாட்டு சுற்றுலாப் பயணிகள் உயிரிழப்பு. மதுவில் மெத்தனால் கலந்திருந்தது சோதனையில் உறுதியானதால் காவல்துறை தீவிர விசாரணை.
அமெரிக்காவின் செயல்கள் ஆத்திரமூட்டுவதாக வட கொரிய அதிபர் கிம் ஜாங் உன் ஆதங்கம். அணு ஆயுதப் போர் வெடிக்கும் எனவும் மறைமுகமாக எச்சரிக்கை.
இந்தியா உடனான முதல் டெஸ்ட் போட்டியில் அடுத்தடுத்து விக்கெட்டுகளை இழந்து ஆஸ்திரேலியா தடுமாற்றம். நான்கு விக்கெட்டுகளை வீழ்த்தி பும்ரா அசத்தல்.