வீடு கட்ட குழி தோண்டியபோது பழங்கால நாணயங்கள் கண்டெடுக்கப்பட்டன.
கர்நாடக மாநிலம் மண்டியா மாவட்டம் மலவள்ளி பகுதியைச் சேர்ந்த லட்சுமம்மா, வீடு கட்டுகிறார். அதற்காக குழி தோண்டும் வேலைகள் நடந்தது. சிறிது ஆழம்வரை குழி தோண்டியபோது ஒரு பானை தென்பட்டது. அதை எடுத்து, லட்சுமம்மாவிடம் வேலை பார்த்தவர்கள் கொடுத்தனர். அதை திறந்து பார்த்தால், ஏகப்பட்ட பழங்கால நாணயங்கள் இருந்தன. தனக்கு புதையல் கிடைத்துவிட்டதாக லட்சுமம்மா மகிழ்ச்சி அடைந்தார்.
பின்னர் போலீசாருக்கு தகவல் தெரிவிக்கப்பட்டது. அவர்கள் அதை சோதித்தனர். அதில் 435 பழங்கால நாணயங்கள் இருந்தன. தொல்பொருள் ஆராய்ச்சியாளர்களுக்கு தகவல் தெரிவித்தனர். அவர்கள் ஆராய்ந்தனர். ’இந்த பானையும், அதில் உள்ள நாணயங்களும் பல நூற்றாண்டுகளுக்கு முந்தைய காலத்தில் பயன்படுத்தப்பட்டவை. இவை தங்கமா, வெள்ளியா என்று தெரியவில்லை. அது பற்றி விசாரித்து வருகிறோம்’ என்று கூறினார்.