’’அது எனக்கு அற்புதமான நேரம்’’ - தர்மதுரை படம் குறித்து நெகிழ்ந்த தமன்னா!!

விஜய் சேதுபதி நடிப்பில் வெளியான தர்மதுரை திரைப்படம் வெளியாகி நான்கு வருடம் முடிந்துள்ள நிலையில், அப்படம் குறித்து நடிகை தமன்னா,  ட்விட்டர் பக்கத்தில் பதிவு ஒன்றை பதிவிட்டுள்ளார்.

2016 ஆம் ஆண்டு சீனு ராமசாமி இயக்கத்தில், நடிகர் விஜய் சேதுபதி நடிப்பில் வெளியான படம் தர்மதுரை. இப்படத்தில் விஜய் சேதுபதிக்கு ஜோடியாக நடிகைகள் தமன்னா, ஐஸ்வர்யா ராஜேஷ் உள்ளிட்டோர் நடித்திருந்தனர். இசையமைப்பாளர் யுவன் ஷங்கர் ராஜா இப்படத்திற்கு இசையமைத்திருந்தார். மனித உணர்வுகளை மிக யதார்த்தமாக வெளிப்படுத்தியிருந்த இப்படம் மக்களிடையே நல்ல வரவேற்பைப் பெற்றிருந்தது. இப்படம் வெளியாகி நான்கு வருடம் முடிந்துள்ள நிலையில் சமூக வலைதளங்களில் #4YrsOfBBDharmadurai என்ற பெயரில் ரசிகர்கள் இப்படத்தை கொண்டாடி வருகின்றனர்.

இந்நிலையில் இது குறித்து ட்விட்டரில் கருத்து தெரிவித்துள்ள நடிகை தமன்னா “ படம் வெளியாகி 4 வருடங்கள் ஆனதை என்னால் நம்ப முடியவில்லை. இப்படத்தின் படப்பிடிப்பு நேரமானது எனக்கு மிக அற்புதமான நேரமாக இருந்தது” என்று கூறியுள்ளார்.