முல்லைப்பெரியாறு அணையின் நீர்மட்டம் 115 அடியாக குறைந்துள்ளதால் தமிழக விவசாயிகள் கவலையடைந்துள்ளனர்.
பருவ மழை முற்றிலும் ஓய்ந்ததால் தென்தமிழகத்தின் நீர் ஆதாரமான முல்லைப்பெரியாறு அணையின் நீர்மட்டம் 115 அடியாக குறைந்துள்ளது.
இதனால் தற்போது உள்ள நீரை குடிநீருக்கே பயன்படுத்த முடியும் என்றும், பாசனத்துக்கான நீர் திறப்பு குறைக்கப்படும் என்றும் பொதுப்பணித்துறை சார்பில் தெரிவிக்கப்பட்டுள்ளது. இதனால் தமிழக விவசாயிகள் கவலையடைந்துள்ளனர்.
கடந்த டிசம்பர் மாதம் 127 அடியாக இருந்த நீர்மட்டம், 2 மாதத்தில் குறைந்து தற்போது 115 அடியாகியுள்ளது.
கோடைகாலத்தில் தேனி, மதுரை, திண்டுக்கல், ராமநாதபுரம், சிவகங்கை ஆகிய ஐந்து மாவட்டங்களின் குடிநீர் தேவைக்கு இந்த நீர் தான் பயன்படுத்தப்படும் என்பது குறிப்பிடத்தக்கது.
