முட்டைக்கோஸ் விலை உயர்ந்துள்ளதால் கிருஷ்ணகிரி பகுதி விவசாயிகள் மகிழ்ச்சியடைந்துள்ளனர்.
கிருஷ்ணகிரி மாவட்டம் ஓசூர், தேன்கனிக்கோட்டைப் போன்ற பகுதிகளில், 1500க்கும் மேற்பட்ட ஏக்கரில் முட்டைகோஸ் பயிரிடப்பட்டுள்ளது. சமீபத்தில் இங்கு பெய்த நல்ல மழையால் விளைச்சல் அதிகரித்துள்ளது. விளைச்சலுக்கு ஏற்றாற்போல் விலையும் உயர்ந்துள்ளதால் விவசாயிகள் மகிழ்ச்சியடைந்துள்ளனர். ஓசூர் பகுதியில் அறுவடை செய்யப்படும் கோஸ்கள் கோவை, திருச்சி, சேலம், சென்னை உள்ளிட்ட பல்வேறு பகுதிகளுக்கும், தமிழகம் மட்டுமல்லாது கேரளா, அஸ்ஸாம், கர்நாடகம், ஆந்திரா உள்ளிட்ட மாநிலங்களுக்கும் விற்பனைக்காக அனுப்பப்படுகிறது.
