நிர்வாக ஆசிரியர் ‘புதிய தலைமுறை’ வார இதழில் எழுதி வந்த கட்டுரைகளின் தொகுப்பு புதிய சிந்தனைகளும், தகவல்களும், அந்தத் தகவல்களின்/சிந்தனைகளின் விளைவாக எழுந்த அறச் சீற்றத்தின் குரலும் ஒலிக்கும் நூல்.

நமக்குத் தெரியாமல் நமக்குள் 24 மணிநேரமும் உழைக்கும் விசுவாசிகளைப் பற்றி நாம் தெரிந்துகொள்ள வேண்டாமா? மனித உடலின் நுட்பங்களையும், ஆச்சரியங்களையும் ஒரு வாசிப்பில் குழந்தைகளும் படித்துப் புரிந்துகொள்ளக் கூடிய எளிய சரளமான வடிவில் எழுதப்பட்ட கட்டுரை இது. இறையாற்றல் மீதான நம்பிக்கையையும், அறிவியல் மனப்பான்மையையும் ஒரே நேரத்தில் குழந்தைகளிடம் ஏற்படுத்த வேண்டுமானால் இந்த நூலை அவர்களுக்கு பரிசளியுங்கள்.

பயணமே மனிதனை மேம்படுத்துகிறது. பலருடைய துணிச்சலான பயணங்களால்தான் புதிய கண்டங்கள் புலப்பட்டன; புதிய சிந்தனைகள் புலர்ந்தன; புதிய வழித்தடங்கள் கிடைத்தன; புதிய பொருட்கள் அறிமுகமாயின. மனித வாழ்வில் பயணங்கள் ஏற்படுத்திய மாற்றங்களை சுவராஸ்யமாக விவரிக்கும் தொகுப்பு.

நூல் மதிப்புரை

தினத்தந்தி பார்வையில்...

உலகம் முழுவதும் பத்தாயிரம் மைல் பயனுள்ள சுற்றுப் பயணத்தை ஓர் அறிஞர் மேற்கொண்டு, என்னென்ன கற்றுக் கொள்ள முடியுமோ, அதையெல்லாம் உட்கார்ந்த இடத்திலிருந்தே முழுமையாகத் தெரிந்துகொள்ள உதவும் நூல் இது.

சமகால நிகழ்வுகளை, நம் சுற்றுப்புறத்தைத் தன் ஜன்னல் வழியே பார்த்து அவை எழுப்பிய எண்ணங்களை ஆசிரியர் மாலன் தன் வாசகர்களோடு பகிர்ந்து கொண்ட கட்டுரைகள்தான் என் ஜன்னலுக்கு வெளியே. செழுமையான மொழி நடையும், விரிந்த பார்வையும், கூர்மையான விமர்சனமும் கொண்ட இந்தக் கட்டுரைகள் ‘புதிய தலைமுறை’ இதழில் வெளிவந்தன. இந்தக் கட்டுரைகளின் வடிவமும், நடையும், அதில் பேசப்படும் கருத்துக்களும் தனித்துவமானவை. தமிழ் இதழியலுக்குப் புதியவை.

நூல் மதிப்புரை

தினத்தந்தி பாராட்டுகிறது……

 

சிறந்த எழுத்தாளரும், பத்திரிகையாளருமான மாலன், நாட்டின் பல்வேறு பிரச்சினைகள் குறித்து நடுநிலையுடன் எழுதிய கட்டுரைகள் கொண்ட புத்தகம் இது. கட்டுரைகளை இலக்கிய நயத்துடன், கதைபோல எழுதியிருப்பது தனிச்சிறப்பு.

 

1916ம் ஆண்டு நவம்பர் 11ந்தேதி புதுச்சேரியில் பயங்கர புயல் வீசியது. ஏராளமான மரங்கள் வேரோடு சாய்ந்தன. அப்போது புதுவையில்  இருந்த மகாகவி பாரதியார், தன் வீடும், தான் நேசித்த தோப்பும் புயலில் சேதம் அடையாமல் தப்பியது கண்டு வியக்கிறார். பயங்கர புயலுக்கு பாரதியார் தப்பியது எப்படி என்பதை ‘சஸ்பென்ஸ்’ ஆக வைத்திருந்து, கட்டுரை முடிவில் அழகாக வெளிப்படுத்துகிறார், மாலன்.

 

இதுபோல், சுவாரசியமான தகவல்கள் நிறைய உள்ளன.